Jab Nabi qafila rok ker

 Jab Nabi qafila rok ker 

Qum main sab ko bulaane lagey (x2)

Kuch Sahabi huwe ghum zada 

Murtaza muskurane lagey 

Jab kajavo ka mimbar bana

Tang dil sar khujaane lagey

Bhaag kar ab kahan jaayengey 

Oont bhi munh churaane lagey

Jab suna Qum main elaan e haq 

Sheikh Ji bokh laane lagey

Par katey taairon ki tarah

Dasht main phad phadaane lagey 

Jab madiney main poocha gaya

Deyr kyun lag gayi kya huwa 

Waqiah Qum ka jaljal ke sab 

Ghar main sach sach bataane lagey. 

Ho Mubarak tumhe ya Nabi

 ho mubaarak tumhe ya nabi

bibi zehra ki hai rukhsati
dulha haidar bana zehra dulhan bani
ho mubaarak tumhe ya nabi
aaj zehra ki hai rukhsati
mubaarak mubaarak mubaarak mubaarak

is ke chehre ka ghaaza bani hai hayaa
is ke maathe ka jhumar hai alhamd ka
innama iske haathon ka kangan banaa
dekhiye to guluband hai kulkafaa
khalq me na mili aisi dulhan koyi

aayaton se libaase aroosi banaa
noor chehre pe aaya hai wal fajr ka
aur kalaayi ka zevar bani hal ataa
goshwaare muzammil ke hain ba khuda
saj gayi fatema parh ke naade ali

aaj dharti falak se siwa ho gayi
ye zameen ka muqaddar bhi dekhe koyi
sab yahaan aa gaye khuld khaali huwi
aaj khayrun nisa aisi dulhan bani
aisa dulha banaa aaj haq ka wali

aisa dulha kahaan aisi dulhan kahaan
jin ki khushiyon me shaamil hai kaun o makaan
jagmagaane lagin arsh par kehkashaan
chaand dene lagaa aaj khud hi azaan
muskura kar sada ye sitaaron ne di

mominon ke liye hai khushi ki khabar
gehma gehmi machi hai payambar ke ghar
khush hain salmaan o miqdaad o buzar udhar
shaadmaani hai chehron pe sab ke magar
jalne waalon ke dil par tchuri chal gayi

tehniyat ko chale arsh se ambiya
aur mohammad ke dar par kiya jamghataa
aake jibreel ne arsh se ye kahaa
keh raha hai khuda ay habibe khuda
leke baaraat ko aa rahe hain ali