Kyun girta na sambhlega

Kyun Girta Na Sanbhle Ga Tera Naam Hi Aysa Hai.
Aye Shah-e-Najaf Mola(A.S) Tera Naam Hi Aysa Hai.

Khushbo-e-Wila Aati Hai Har Dil-e-Momin Se.
Our Aag Si Lagti Hai Har Dil Mein Munafiq Ke.
Kyun Aysa Na Ho Mola(A.S) Tera Naam Hi Aysa Hai.

Yeh Jism Yeh Jaan Mola(A.S) Teri Hi Imanat Hai.
Tere Naam Pe Marne Ka Inaam Shahadat Hai.
Kyun Jaan Se Na Ho Piyara Tera Naam Hi Aysa Hai.

Tere Khalq Mein Aane Se Jab Khush Hai khudai Bhi.
Phir Fart-e-Musarat Se Dewaar Bhi Kabay Ki.
Kyun Cheer Na Le Seena Tera Naam Hi Aysa Hai.

Milta Hai Sabaq Hum Ko Yeh Qaul-e-Paiembar(SAWW) Se.
Koi Bhi Zamana Ho Shajray Ko Munafiq Ke.
Chupne Hi Nahi Deta Tera Naam Hi Aysa Hai.

Mamnoon Tera Mola(A.S) Har Dor-e-Nabowat(A.S) Hai.
Mairaj Mein Khaliq Ko Teri Hi Zarorat Hai.
Kyun Aysa Na HO Mola(A.S) Tera Naam Hi Aysa Hai.

Agyar Ke Naamo Par Khali Hi Palata Hai.
Kis Naam Pe Milta Hai Sail Bhi Samajhta Hai.
Raziq Hai Faqeeron Ka Tera Naam Hi Aysa Hai.

Atti Hai Sada Koi Jab Nara-e-Haider(A.S) Ki.
Guzri Hain Kayi Sadiyaan Turbat Mein Magar Ab Bhi.
Dil Hilta Hai Marhab Ka Tera Naam Hi Aysa Hai.

Har Dam Yeh "AQEEL" Aaqa Tera Zikar Hi Karta Hai.
Tere Naam Pe Marta Hai Tere Naam Pe Jeeta Hai.
Kaise Na Jiye Aaqa Tere Naam Hi Aysa Hai.

Dunya Ko Main Dikhla Doon Gar Teri Ijazat Ho.
Tere Naam Ko Main De Doon Gar Wasta Soraj Ko.
Wo Aaj Bhi Palte Ga Tera Naam Hi Aysa Hai.

Poet: "Aqeel Mohsin Naqvi"
Manqabat Khowan: "Mir Hassan Mir"
Manqabat Volume Mir Hassan Mir Volume 2010-11