Mera Baadshah Hussain Hai

Khuda Ke Deen Ka Na-Khuda
Har Ibteda ki Ibteda
Karam Ki Inteha Hussain Hai
Haan Hussain Hai, Mera baadshah Hussain Hai

Kare Koi Jo Hamsari Kisi Ki Kya Majaal Hai
Hussain Har Lihaaz Se Jahan Mein Bemisal Hai
Yeh Ho Chuka Hai Faisla Na Koi Dusra Hasan
Na Koi Dusra Hussain Hai, Mera Hussain Hai
Mera Badshah Husain Hai

Hai Jiski Fikr Karbala Hussain woh Dimaag hai

Yeh Panjetan ki anjuman ka Paanchwaan chirag hai

Hasan ka pehla Humsagar, Ali ka Doosra Pisar

Imam Teesra Hussain hai, Haan Hussain hai

Mera Baadshah Hussain hai.

Hidayat-e-hussain Par Amal Karo Aye Mominon
Rahenge Hum Bahisht Mein Yakeen Rakho Aye Mominon
Qubool Hogi Har Dua Kisi Se Kyun Darein Bhala
Hamara Waasta Hussain Hai, Mera Hussain Hai
Mera Badshah Hussain Hai

Kaza Ke Baad Fir Mujhe Nayi Hayaat Mil Gayi
Azaab Se Itaab Se Mujhe Nijaat Mil Gayi
Sawal Jab Kiya Gaya Hai Kaun Tera Paishwan
Toh Maine Keh Diya Hussain Hai, Mera Hussain Hai
Mera Badshah Hussain Hai

Shaheed e Karbala Ka Gham Jisse Bhi Na-Gawaar Hai
Wo Bad’amal Hai Bad’nasab Ussi Pe Be-shumar Hai
Arey Oh Dushman-e-azal Tu Mar Zara Qabar Mein Chal
Pata Chalega Kya Hussain Hai, Mera Hussain Hai
Mera Badshah Hussain Hai

Karega Joh Mukhalifat Ghame Hussain Ki Yahaan
Woh Hoga Hashr Hashr Mein Ke Al-Hafiz o Al-Amaan
Jahan Bhi Chupne Jayega Kahin Bhi Bach Na Payega
Ke Har Jagah Mera Hussain Hai, Mera Hussain Hai
Mera Badshah Hussain Hai...

Hussain hai Hussain hai,

Hussain hi Hussain hai

Mera Baadshah Hussain hai. 

Haan Hussain hai

Mera Baadshah Hussain hai