Wafa jiska padhe Kalma usse Abbas kehte hai

 Wafa Jiska Padhe Kalma Usse Abbas (A.s.) Kehte Hai

Jise Sajde Kare Sajdah Usse Abbas (A.s.) Kehte Hai

Woh Pyasa  Pyas Ne Jiski Kiya Sehrab Daria Ko

Hai Jis Ki Pyas Bhi Darya Use Abbas (A.s.) Kehte Hai

Jo Hai Shabbir (a.s.) Ki Kuwat Ali (A.s.) Ko Naaz Hi Jis Par

Jise Zehra (S.a.) Kahe Beta Ushe Abbas (A.s.) Kehte Hai

Laga De Jo Bagair Teg Hi Ambaar Lashon Ke

Jo Hai Paikar Sujaat Ka Ushe Abbas (A.s.) Kehte Hai

Jo Patthar Par Alam Gade Ushe Kehte Hai Sub Haider (A.s.)

Alam Gade Jo Pani Pe Ushe Abbas (A.s.) Kehte Hai

Ali (A.s.) Ka Khoon, Zehra (S.a.) Ki Dua Hasnain (A.s.) Ki Chahat

Bane In Sub Se Jo Milkar Ushe Abbas (A.s.) Kehte Hai

Jo Hukme Shah (A.s.) Pe Roke Rahe Talwar Ko Apni

Jo Tanha Bhi Rahe Lashkar Ushe Abbas (A.s.) Kehte Hai

Uthe Tufan Chale Aandhi Zameen Gardish Kare Phir Bhi

Rahe Uncha Alam Jiska Ushe Abbas (As.) Kehte Hai

Jo Tha Shabbir (A.s.) Ka Khadim Magar Sab Sahabane Dil

Ushe Aaka, Ushe Maula, Ushe Abbas (A.s.) Kehte Hai